სახანძრო უსაფრთხოების ტრენინგი m2-ის თანამშრომლებისთვის.
- 2022-11-21 17:12
19 ნოემბერს შრომის უფლებების და შრომის უსაფრთხოების დაცვის საკონსულტაციო კომპანიამ COS - Concept Of Safety m2 თანამშრომლებს ინოვაციური VR ტექნოლოგიის გამოყენებით სახანძრო უსაფრთხოების ტრენინგი ჩაუტარა.
VR ტექნოლოგიით ჩატარებული ტრენინგი დასაქმებულს შესაძლებლობას აძლევს ვირტუალურად შეისწავლოს და განახორციელოს სხვადასხვა სამუშაოები ხანძრის შემთხვევაში უშუალოდ ტრენინგის მსვლელობისას, ტრენინგის გავლის შემდეგ დასაქმებული შეძლებს:
აალების პრინციპებში გარკვევას;
სხვადასხვა სახის ცეცხლსაქრობების გამოყენებას;
ხანძრის თავიდან აცილების, აღმოჩენის და ხანძრის ჩაქრობის ძირითად პრინციპებში გარკვევას;
ხანძრის დროს კოორდინაციას და ინციდენტზე სწორ რეაგირებას.
