როგორ მოვიქცეთ მიწისძვრის დროს?
- 2023-02-13 17:48
როგორ უნდა მოვიქცეთ მიწისძვრის დროს?
თუ მაღალსართულიან კორპუსში ხართ - მოშორდით ფანჯრებს და გარე კედლებს. დარჩით შენობაში, არ გამოიყენოთ ლიფტები. დადექით მყარ ან მეტალის ნაწილებზე.
თუ შიგნით ხართ, დარჩით შიგნით - არ გაიქცეთ გარეთ ან სხვა ოთახში. იმისათვის, რომ შემცირდეს თქვენი ზიანი, გაითვალისწინეთ შემდეგი მითითებები: სანამ შერყევა გაძლიერდება, სწრაფად მოშორდით მინას, ჩამოკიდებულ საგნებს, წიგნების კარადებს ან სხვა დიდ ავეჯს, რომელიც შეიძლება დაგეცეთ.
თუ ხალხმრავალ ადგილას ხართ - არ იჩქაროთ კარებისკენ. სხვებსაც იგივე აზრი ექნებათ. თუ შეგიძლიათ, დაიფარეთ და აიღეთ ნივთი, რომელიც დაგიცავთ ჩამოვარდნილი საგნებისგან.
თუ გარეთ ხართ, დარჩით გარეთ - მოშორდით შენობებს, სადენებს და სხვადასხვა ელექტროგადამცემ ხაზებს. გადადით ღია ადგილას ხეებისგან, ტელეფონის ბოძებისა და შენობებისგან მოშორებით. ღია ცის ქვეშ დადექით და დარჩით იქამდე, სანამ რყევა არ შეჩერდება.
თუ მოძრავ მანქანაში ხართ - გააჩერეთ მანქანა რაც შეიძლება სწრაფად და უსაფრთხოდ. გადაიყვანეთ თქვენი მანქანა ბორდიურზე, მოშორებით ბოძებისგან, მავთულხლართებისგან. დარჩით მანქანაში და დააყენეთ პარკირების მუხრუჭი. თუ ელექტროგადამცემი ხაზი დაეცემა მანქანას, დარჩით შიგნით, სანამ არ მოხსნიან მავთულს.
თუ სტადიონზე ან თეატრში ხართ - დარჩით თქვენს ადგილზე. დაიცავით თავი და კისერი ხელებით ან ნებისმიერი გზით. არ დატოვოთ შენობა სანამ რყევა არ დასრულდება.
თუ ეტლში ხართ - ჩაკეტეთ ბორბლები. ამოიღეთ ნებისმიერი ნივთი, რომელიც უსაფრთხოდ არ არის მიმაგრებული ეტლზე. დაიცავით თავი და კისერი წიგნით, ბალიშით ან ხელებით. თუ შეგიძლიათ, იპოვეთ თავშესაფარი მაგიდის ან მერხის ქვეშ. მოერიდეთ გარე კედლებს, ფანჯრებს, ბუხრებს და დაკიდებულ ნივთებს.
