რა უნდა გაითვალისწინონ მძღოლებმა, როცა ავტომობილს მართავენ თოვლიან ან ყინულიან გზის საფარზე:
- 2023-01-22 15:49
- დავუკლოთ სიჩქარეს;
- გავზარდოთ დისტანცია წინ მიმავალ ავტომობილთან 2 წამიანი შუალედიდან 5 წამიან შუალედამდე. მარტივად რომ ავხსნათ, თუ ვმოძრაობთ 60კმ/სთ სიჩქარით და ზაფხულის პირობებში უსაფრთხო დისტანცია არის დაახლოებით სიჩქარის ნახევარი, ანუ 30 მეტრი, მოლიპულ საფარზე, უსაფრთხო დისტანცია, იქნება დაახლოებით 75 მეტრი;
- მოვერიდოთ მკვეთრ მოძრაობას საჭესთან, მუხრუჭთან თუ ავტომობილის მართვის სხვა ნებისმიერ მოწყობილობასთან;
- მუხრუჭის გამოყენებისას, ვეცადოთ არ დავამუხრუჭოთ მკვეთრად გარდაუვალი საჭიროების გარეშე და დამუხრუჭების პროცესი იმდენად გავწელოთ სწორხაზოვნად, რამდენის საშუალებასაც მოგვცემს გზის კონკრეტული მონაკვეთი;
- ყოველთვის გქონდეთ მოლოდინი, რომ მოსახვევში დაგხვდებათ მოლიპული მონაკვეთი, განსაკუთრებით მაშინ თუ მოსახვევში ჩრდილია;
- გვახსოვდეს,რომ დაღმართზე ჩასვლა გაცილებით რთულია ვიდრე აღმართზე ასვლა;
- გზის თოვლიანი და მოლიპული მონაკვეთების(განსაკუთრებით აღმართი და აღმართი) გავლისას ყოველთვის დაელოდეთ თქვენს წინ მიმავალი ავტომობილის მანევრის დასრულებას და მხოლოდ ამის შემდეგ განახორციელეთ თქვენი მანევრი.
გახსოვდეთ მნიშვნელოვანია ზამთრის პერიოდში ზამთრის საბურავების გამოყენება, ვინაიდან მხოლოდ საბურავებია რითაც გზის საფარს ვეხებით და შესაბამისად ავტომობილს ვაჩერებთ, ვაჩქარებთ ან ვაკეთებთ საჭირო მანევრს.
