რა იცვლება შრომის უსაფრთხოებაში და რატომ უნდა დავიწყოთ მზადება დღესვე
- 2026-02-05 14:10
შრომის უსაფრთხოება და ჯანმრთელობა აღარ არის მხოლოდ რეგულაციებთან შესაბამისობა. 2026 წელს სფერო სულ უფრო მეტად იქცევა ბიზნესის მდგრადობის, რეპუტაციისა და კულტურის ნაწილად. დღესდღეობით იკვეთება რამდენიმე ძირითადი ტრენდი, რომლებიც ორგანიზაციებს უბიძგებს, უსაფრთხოებაზე სხვანაირად იფიქრონ.
ფსიქიკური ჯანმრთელობა მთავარი პრიორიტეტი
სამუშაოსთან დაკავშირებული სტრესი, გადაღლა და ციფრული გადატვირთვა აღარ ითვლება ინდივიდუალურ პრობლემად. 2026-ში დამსაქმებლებისგან უფრო აქტიურად მოითხოვენ:
- სტრესის რისკების შეფასებას;
- სამუშაო დატვირთვის მართვას;
- ფსიქოლოგიურად უსაფრთხო სამუშაო გარემოს შექმნას.
კლიმატის ცვლილება, როგორც უსაფრთხოების რისკი
მზიანი, ექსტრემალური ამინდი და გარემოსდაცვითი რისკები პირდაპირ აისახება სამუშაო უსაფრთხოებაზე. Heat stress, გარე სამუშაოები და საგანგებო მზადყოფნა აღარ იქნება გამონაკლისი თემა. ეს გახდება სტანდარტული რისკი, რომლის მართვაც აუცილებელია.
ტექნოლოგიები და AI ახალი შესაძლებლობები, ახალი საფრთხეები - ავტომატიზაცია, AI და მონიტორინგის სისტემები ცვლიან სამუშაო პროცესებს. ამის პარალელურად ჩნდება ახალი კითხვები:
- როგორ ვმართავთ ადამიანისა და ტექნიკის ურთიერთქმედების რისკებს;
- როგორ ვიცავთ მონაცემებს და ეთიკურ საზღვრებს;
- როგორ ვუკავშირებთ კიბერუსაფრთხოებას ფიზიკურ უსაფრთხოებას.
ასაკოვანი და მრავალფეროვანი სამუშაო ძალა - 2026 წლისთვის სამუშაო ძალა უფრო ასაკოვანი და მრავალფეროვანი იქნება. ეს ნიშნავს, რომ უსაფრთხოება უნდა მოერგოს ადამიანებს და არა პირიქით. სამუშაო ადგილების ადაპტაცია და ინკლუზიური პოლიტიკა პრიორიტეტული გახდება.
მონაცემებზე დაფუძნებული უსაფრთხოება - ელექტრონული რეპორტინგი და გამჭვირვალე ანგარიშები არ არის კარგი პრაქტიკა. მონაცემებზე დაფუძნებული HSE მართვა კომპანიებს შესაძლებლობას აძლევს წინასწარ მოახდინონ პრობლემების იდენტიფიცირება.
