საშიში ქიმიური ნივთიერებების უსაფრთხო მართვა სამუშაო ადგილზე

სამუშაო ადგილზე საშიშ ქიმიურ ნივთიერებებთან კონტაქტმა შესაძლოა გამოიწვიოს მწვავე და ქრონიკული ჯანმრთელობის დაზიანებები, ალერგიული რეაქციები, დამწვრობა, მოწამვლა და სხვა პროფესიული საფრთხეები. მათი უსაფრთხო მართვისთვის აუცილებელია საფრთხეების სწორად იდენტიფიცირება, შესაბამისი ინფორმაციის ხელმისაწვდომობა და უსაფრთხოების მოთხოვნების დაცვა.

საშიში ქიმიური ნივთიერებების უსაფრთხო მართვა სამუშაო ადგილზე ინტენსიური თეორიული და პრაქტიკული ტრენინგი მონაწილეებს გააცნობს OSHA-ს Hazard Communication Standard (HCS 2012, 1910.1200)-ის ძირითად მოთხოვნებს, ქიმიური ნივთიერებების ეტიკეტირების წესებს, უსაფრთხოების მონაცემთა ფურცლების (SDS) სწორ გამოყენებასა და თანამშრომელთა დაცვის პრაქტიკულ მექანიზმებს.

პროგრამის კომპონენტები

1. საშიში ქიმიური ნივთიერებები და ძირითადი საფრთხეები
• სამუშაო ადგილზე არსებული საშიში ქიმიური ნივთიერებები;
• ქიმიურ ნივთიერებებთან დაკავშირებული ჯანმრთელობისა და უსაფრთხოების რისკები;
• ქიმიური საფრთხეების იდენტიფიცირება და თანამშრომელთა დაცვის ძირითადი პრინციპები.

2. Hazard Communication Standard (HCS)
• OSHA-ს Hazard Communication Standard (HCS 2012, 1910.1200) და მისი ძირითადი მოთხოვნები;
• დამსაქმებლისა და დასაქმებულის პასუხისმგებლობები;
• Hazard Communication პროგრამის ფარგლებში სწავლებისა და ტრენინგის მოთხოვნები.

3. ქიმიური ნივთიერებების ეტიკეტირება
• პირველადი/მწარმოებლის მიერ მოწოდებული კონტეინერების ეტიკეტები;
• მეორადი კონტეინერების ეტიკეტირების მოთხოვნები;
• სტაციონარული, გადასაადგილებელი და ალტერნატიული კონტეინერების ეტიკეტირება;
• ეტიკეტებზე განთავსებული ინფორმაციის სწორად აღქმა და გამოყენება.

4. უსაფრთხოების მონაცემთა ფურცლები (SDS)
• SDS-ის დანიშნულება და პრაქტიკული გამოყენება;
• SDS-ის 16 სექცია და თითოეული სექციის ძირითადი ინფორმაცია;
• SDS-ის მართვის პასუხისმგებლობები მწარმოებლის, იმპორტიორის, დისტრიბუტორისა და დამსაქმებლისთვის;
• SDS-ის გამოყენება ქიმიური საფრთხეების შეფასებისა და კონტროლისთვის.

ვისთვის არის ტრენინგი?

✅ ქიმიურ ნივთიერებებთან მომუშავე თანამშრომლებისთვის;

✅ საწარმოო და ტექნიკური პერსონალისთვის;

✅ ლაბორატორიისა და ტექნიკური მომსახურების თანამშრომლებისთვის;

✅ შრომის უსაფრთხოებაზე პასუხისმგებელი პირებისთვის;

✅ მენეჯერებისა და ხელმძღვანელებისთვის;

✅ ყველა იმ თანამშრომლისთვის, რომელიც სამუშაო პროცესში შესაძლოა საშიშ ქიმიურ ნივთიერებებთან იყოს კონტაქტში.

⏱️ ხანგრძლივობა: 5–7 საათი

📍 ფორმატი: სასერტიფიკატო ტრენინგი – თეორიული და პრაქტიკული ნაწილი

📜 სერტიფიკატი: გაიცემა საბოლოო შეფასების (გამოცდის) წარმატებით ჩაბარების შემდეგ.