გარემოსდაცვითი და სოციალური საკითხების მართვა ბიზნესისთვის

ვაფასებთ კომპანიაში არსებულ გარემოსდაცვით და სოციალურ პრაქტიკას, ვადგენთ კრიტიკულ არეალებს და განვსაზღვრავთ საჭირო ნაბიჯებს პროცესების გასაუმჯობესებლად.

• შევაფასებთ კომპანიაში არსებულ გარემოსდაცვით პრაქტიკას და განვსაზღვრავთ კრიტიკულ მიმართულებებს;
• შევადგენთ საკანონმდებლო ვალდებულებებს, ნარჩენების მართვის გეგმას, გარემოზე ზემოქმედების შეფასებას და სხვა საჭირო დოკუმენტაციას;
• დავადგენთ, რამდენად გააზრებულად მართავს კომპანია სოციალურ პასუხისმგებლობას, მათ შორის თანამშრომლებთან ხელშეკრულებების გაფორმებასა და შინაგანაწესის შემუშავებას;
• ვუზრუნველყოფთ საჩივრების სისტემის დანერგვასა და შესაბამისი ინსტრუმენტების შემუშავებას.

ვამზადებთ კომპანიის საჭიროებებზე მორგებულ გარემოსდაცვით გეგმას, რომელიც ითვალისწინებს როგორც ადგილობრივ კანონმდებლობას, ისე საერთაშორისო სტანდარტებს.

• მოვამზადებთ ნარჩენების მართვის გეგმას და შევათანხმებთ შესაბამის სახელმწიფო უწყებებთან;
• შევიმუშავებთ მონიტორინგის გეგმას, სადაც გაწერილი იქნება ჰაერში გაფრქვევის, ვიბრაციის, ხმაურისა და წყალში ჩაღვრის კონტროლის მექანიზმები და პერიოდულობა;
• შევადგენთ ინდივიდუალურ გარემოსდაცვით პოლიტიკას ადგილობრივი და საერთაშორისო სტანდარტების მიხედვით.

საჭიროების მიხედვით, უზრუნველვყოფთ გარემოსდაცვითი სპეციალისტის ჩართულობას, რომელიც დაეხმარება კომპანიას შემუშავებული რეგულაციების შესრულებასა და პროცესების მუდმივ კონტროლში.

• სპეციალისტი იმუშავებს ადგილზე მუდმივად ან გეგმიური ვიზიტების სიხშირით;
• მაქსიმალურად ჩართული იქნება შემუშავებული რეგულაციების აღსრულების პროცესში;
• რეგულარულად გააკონტროლებს პროცესებს და მოამზადებს ანგარიშებს კომპანიის საჭიროებების შესაბამისად.

ვზრუნავთ დასაქმებულთა ცნობიერების ამაღლებაზე გარემოსდაცვითი უსაფრთხოების, ჯანმრთელობის დაცვისა და სახიფათო ნარჩენებთან მუშაობის მიმართულებით.

• თანამშრომლებს ჩავუტარებთ ტრენინგებს გარემოსდაცვითი უსაფრთხოებისა და ჯანმრთელობის შესახებ;
• ვუზრუნველყოფთ სავალდებულო სწავლების პროგრამებს სახიფათო ნარჩენებთან მომუშავე თანამშრომლებისთვის;
• ტრენინგის დასრულების შემდეგ გავცემთ სერტიფიკატს.